Агроөнеркәсіп кешенінің дамуы туралы мәлімет

2010 жылдың 1 тамызына ауыл шаруашылығының жалпы өнім көлемі 52,8 млрд. теңгені құрап, 2009 жылдың тиісті кезеңімен салыстырғанда 2,6% артты.
2010 жылдың шілде айына аудан және қала тұрғындарын жұмыспен қамтамасыз ету мақсатында барлығы 831 жаңа жұмыс орны ашылды. Ашылған жұмыс орындарының басым бөлігі Сарыағаш ауданында – 363, Отырар ауданында – 93, Сайрам – ауданында – 58, Кентау қаласында – 53, Ордабасы ауданында – 52, Шардара ауданында – 45.

Егін шаруашылығы
2010 жылдың шілде айына дәнді-дақылдар – 212,8 мың га., масақты дәнді –дақылдар – 179,0 мың га., көкөніс 29,8 мың га.,бақша 36,0 мың га., картоп 12,3 мың га., мақта 137,2 мың га. жерге орналастырылып, 254,1 мың тонна масақты дәнді –дақылдар, 411,0 мың тонна көкөніс, 399,6 мың тонна бақша, 120,7 мың тонна картоп өнімі жиналды.

Мал шаруашылығы
2010 жылдың шілде айында шаруашылықтың барлық санаттары бойынша мал шараушылығы өнімдерінің негізгі түрлері: ет – 1,8% артып, 89,8 мың тонна, сүт – 4,5% артып, 391,5 мың тонна, жұмыртқа – 13,3% артып, 166,0 млн. дана өндірілді.
Ірі қара мал саны 3,1% артып, 896,6 мың басты, қой мен ешкі3,6% және 4358,6 мың, жылқы 4,2% және 174,9 мың бас, түйе 5,7% және 18,8 мың басты құраса, шошқа 7,4% кеміп және 38,3 мың, құс 1,5% және 2622,9 мың басты құрады.
Мал шаруашылығы өнімдерін арттырумен бүгінгі таңда 155 асыл тұқымды мал өсіретін шаруашылық жұмыс істейді.
Осы шаруашылықтарда асыл тұқымды 5626 бас ірі қара, 317,5 мың бас қой мен ешкі, 10933 бас жылқы, 4280 бас түйе, 7845 бас шошқа өсіріліп отыр, бұл жалпы ірі қараның-0,6, қой мен ешкінің-7, жылқының-6, түйенің-22, құстың-2 және шошқаның-18 % құрайды.
Облыс шаруашылықтарының барлық санаттарында мал мен құстардың өнімділігі артып келеді. Орташа бір сауынды сиырдан сауылған сүт 1318 кг құрады, өткен жылдың тиісті кезеңімен салыстырғанда 25 кг артып отыр.

Қайта өңдеу
2010 жылдың 1 тамызына облыс бойынша ауылшаруашылығы өнімдерін өңдеудің көлемі 43 млрд. 967,5 млн теңгені құрады. Ауыл шаруашылығы өнімдерін өндеумен облыста 68-ден астам ірі акционерлік қоғамдар және жауапкершілігі шектеулі серіктестіктер мен 710 кішігірім орташа цехтер айналысады
2010 жылы 20 га. жылыжай салу жоспарланып отыр, одан 44,16 га. немесе 221% орындалды.
Тамшылатып суғару әдісін биылғы жылы 10 000 га. егістік жерге ендіру жоспарлануда. Одан 2010 жылдың есепті кезеңіне 4 143,9 га. ендірілді.