|
Ішкі істер органдарына шағымдану
Азаматтардың жолданымдарын қабылдау
Азаматтарды қабылдау Қазақстан Республикасы ІІМ ішкі істер ұйымдарының барлық органдарында жүзеге асырылады. Ішкі істер ұйымдарында, органның кезекші бөлімдерінде азаматтар рұқсат қағаздарын ресімдемей тәулік бойы қабылданады.
Азаматтарды жеке қабылдау министр бекіткен кесте бойынша ішкі істер министрі, вице-министрлерімен айына бір рет өткізіледі.
Азаматтардан келіп түскен жолданымдар, түскен күні бірінші беттің бос орнына органның мөртаңба бедерлемесі қойылып тіркеледі, түскен күні және тіркелген нөмірі көрсетіледі.
Өтініш иесі (тегі, аты, әкесінің аты, қойған қолы, тұрғылықты жері, жұмыс немесе оқу орны) туралы мәліметтер жоқ өтініштер жасырын өтініштер болып танылып, қараусыз қалдырылады.
Жаңа дәлелдер келтірілмеген қайта арыздар немесе жаңа пайда болған жағдайлар егерде олар бойынша тексерулерге түбегейлі дәлелдер болып және авторға белгіленген тәртіп бойынша жауаптар берілсе қарауға жатпайды.
Назар аударыңыз!
Ішкі істер органдарында азаматтардың жолданымдарын қабылдамауға тиым салынады.
Шағымдар мен арыздарды беру
Өтініштер жазбаша түрде мемлекеттік тілде немесе орысша тілде беріледі. Азаматтардың шағымдары мен арыздары органға түскен күннен бастап бір ай мерзіміне дейін шешіледі, ал, қосымша мәліметтерді және тексерулерді талап етпейтіндер 15 күн ішінде.
Шағымдар мен арыздарды шешу үшін арнайы тексерулерді өткізу қажет болған жағдайда, қосымша мәліметтерді талап ету немесе басқа шараларды қабылдау кезінде жауап беру мерзімі заңнамда қарастырылған тәртіп бойынша ұзартылуы мүмкін бірақ, бір айдан ұзақ мерзімге емес, ол туралы арыз беруші хабардар етіледі.
Ақпарат көзі: е-gov.kz\Адам құқын қорғау\ Мемлекеттік органдарға шағым түсіру тәртібі
|
